नेपाली राष्ट्रिय फुटबल टोलीको प्रशिक्षण स्थगित

१९ जेठ ,काठमाडौँ ।  नेपाली राष्ट्रिय अखिल नेपालसंघ (एन्फा) ले फुटबल टोलीको बन्द प्रशिक्षण स्थगित भएको छ । आज दशरथ रङ्गशालामा प्रशिक्षण हुने र त्यसपछिको प्रशिक्षण स्थगित गरिएका अखिल नेपाल फुटबल सङ्घ एन्फाले हिजो एक विज्ञप्ति निकालेर निर्धारित तालिका अनुसार जानकारी दिएको छ ।

शहीद स्मारक ‘ए’ १० डिभिजन क्लबहरुले बिहीबार नै संयुक्त विज्ञप्ति जारी गरी लिगको खेल नसकिँदासम्म खेलाडीलाई राष्ट्रिय टोलीको बन्द प्रशिक्षणमा पठाउन नसक्ने बताएपछि एन्फाले प्रशिक्षण नै स्थगित गरेको हो ।

भारतमा हुने १४औँ संस्करणको पुरुष साफ च्याम्पियनसिप र त्यसअघि फिलिपिन्ससँगको मैत्रीपूर्ण खेलका लागि हिजोदेखि प्रशिक्षण सुरु भएको थियो । साफ च्याम्पियनसिप आउँदो असार ६ गतेदेखि १८ गतेसम्म बेङ्गलुरुमा हुनेछ । साफको तयारीका लागि नेपालले जेठ ३२ गते फिलिपिन्ससँग मैत्रीपूर्ण खेल खेल्नेछ ।

मुख्य प्रशिक्षक भिन्सेन्जो अल्बर्टो एनेसेले मङ्गलवार ३० सदस्यीय प्रारम्भिक टोलीको घोषणा गरेका थिए ।