काठमाडौं-२ मा राष्ट्रिय स्वतन्त्र पार्टीकी सोविताको विजयी जुलुस (फोटो फिचर)

काठमाडौं / राष्ट्रिय स्वतन्त्र पार्टीकी सोविता गौतम काठमाडौं–२ बाट निर्वाचित भएकी छन् । २७ वर्षीया गौतम प्रतिनिधिसभा सदस्य बनेर संसद प्रवेश गर्ने निश्चित भएको हो ।

उनले नेकपा एमालेका मणिराम फुयाललाई पराजित गर्दै विजय सुनिश्चित गरेकी हुन् । गौतमले १५ हजार २२९ मत प्राप्त गर्दा फुयाँल ११ हजार ५५५ मत प्राप्त गरे ।

यस्तै तेस्रो स्थानमा रहेकी राप्रपाकी कुन्तीदेवी पोखरेलले ११ हजार ४९ मत प्राप्त गरिन् ।  यस्तै माओवादी केन्द्रकी ओनसरी घर्ती ९ हजार ४४९ मतसहित चौथो भइन् ।

२०५२ सालमा दोलखामा जन्मिएकी सोविता पूर्वपत्रकार तथा अधिवक्ता समेत हुन् । नेपाल टेलिभिजनमा काम गर्दा गर्दै उनी राजनीतिमा प्रवेश गरेकी थिइन् ।