१६ असोज, दैलेख । दैलेखको दुल्लु नगरपालिका–१ मा टिपर दुर्घटना हुँदा एकजनाको मृत्यु भएको छ ।
दुर्घटनामा परि दुल्लु नगरपालिका–७ का ३३ वर्षीय गोपाल थापाको मृत्यु भएको हो । दुल्लु–तल्लो डुंगेश्वर सडक खण्डअन्तर्गत तल्लो डुंगेश्वरबाट दुल्लु आउँदै गरेको क.प्र ०२००१ क १९९ नम्बरको टिपर सोमबार बेलुकी ८ बजेतिर दुर्घटना भएको थियो ।
दुर्घटनामा घाइते भएका थापाको उपचारका क्रममा दुल्लु अस्पताल दैलेखमा मृत्यु भएको प्रहरीले जनाएको छ । दुर्घटनामा परि अन्य दुईजना घाइते भएका छन् । दुल्लु नगरपालिका–७ बस्ने चन्द्रबहादुर थापा र प्युठानको ऐरावती गाउँपालिका–५ का ३० वर्षीय मुक्त प्रसाद उपाध्याय घाइते भएको इलाका प्रहरी कार्यालय दुल्लुका प्रहरी निरीक्षक कृष्ण बहादुर डाँगीले बताए।
घाइते दुवैजनाको उपचार दुल्लु अस्पतालमा उपचार भइरहेको डाँगीले बताए ।
कोहलपुर खबर । १६ आश्विन २०८०, मंगलवार १३:३७