✍️विवेक रेग्मी
२२ बैशाख, कोहलपुर । जिल्ला स्तरिय मैत्रीपूर्ण क्रिकेट प्रतियोगिताको उपाधि त्रिभुवन नमूना मावि कोहलपुरले जितेको छ ।
कोहलपुरस्थित प्रस्तावित अन्तराष्ट्रिय क्रिकेट मैदानमा शुक्रबार भएको फाइनल खेलमा त्रिभुवन नमूना मावि कोहलपुरले आदर्श मावि नेपालगञ्जलाई ३ रनले पराजित गर्यो । उपाधि जितेको त्रिभुवनले ३० हजार रुपैयाँ सहित प्रमाण पत्र सहित ट्रफि प्राप्त गर्यो भने उपविजेता आदर्शले १५ हजार रुपैयाँ सहित प्रमाण पत्र सहित ट्रफि प्राप्त गर्यो ।
टस जितेर पहिले ब्याटिङको रोजेको त्रिभुवनले १२ ओभरमा ९४ रनको योगफल बनाएको थियो । ९५ रनको लक्ष्य पछ्याएको आदर्श माविले १२ ओभरमा ७ विकेट गुमाउँदै ९१ रन मात्रै बनाउन सक्यो । जितका लागि त्रिभुवनका इन्द्र विसीले ३५ बलमा अर्ध सतक (५० रन) प्रहार गरेका थिए ।
यहि बैशाख १५ गतेदेखि अनलाइन टिभी पत्रकार संघ बाकेले आयोजना गरेको जिल्ला स्तरीय क्रिकेट प्रतियोगितामा १६ वटा टिम सहभागि भएको अनलाईन टिभि पत्रकार संघ बाँकेका सचिव केशराज खड्काले बताए । नक आउट चरणमा भएका खेलको फाईनलमा त्रिभुवन र आदर्श बिच कडा प्रतिस्पर्धा भएको थियो । अब देखि प्रत्यक बर्ष यस प्रतियोगितालाई निरन्तरता दिईने खड्काले बताए ।
कोहलपुर खबर । २२ बैशाख २०८१, शनिबार ०७:११