२१ असार,काठमाडौं/ रामेछापमा बस दुर्घटना हुँदा ११ जनाको मृत्यु भएको छ ।
रामेछापको सुनापती गाउँपालिकाबाट काठमाडौं जादै गरेको बा ३ ख ८३९६ नम्बरको बस दुर्घटना हुँदा ११ जनाको मृत्यु भएको जिल्ला प्रहरी कार्यालय रामेछापका प्रहरी प्रमुख डिएसपी राजकुमार थिङले जानकारी दिए ।
उनका अनुसार घटनास्थलमा ९ जनाको मृत्यु भएको र उपचारका लागि लैजाँदै गर्दा बाटोमा २ जनाको मृत्यु भएको छ । २७ जना सवार बसमा एकजना बेपत्ता छन ।
घाइतेलाई उपचारका लागि धुलिखेल अस्पताल पठाइएको उनले बताए । घाइतेको अवस्था गम्भीर भएकोले मृतकको संख्या बढ्न सक्ने डिएसपी थिङले जानकारी दिए ।
कोहलपुर खबर । २१ असार २०७९, मंगलवार १२:३८