१८ जेठ , काठमाण्डौ । नेपालले मलेसिया सँग महिला टि–२० आई शृंखलाको तेस्रो खेलमा नेपाल २७ रनले विजयी भएको छ ।
आज नेपालले दिएको १११ रनको लक्ष्य पच्छ्याएको मलेसियाने निर्धारित २० ओभरमा ४ विकेटको क्षतिमा ८३ रन मात्र बनाउन सकेको हो । यससँगै नेपालले ५ खेलको सिरिजमा २–१ को अग्रता लिएको छ ।
आजको खेलमा टस हारेर पहिले ब्याटिङको निम्तो पाएको नेपालका लागि सीता राना मगरले २१, ज्योति पाण्डेले २३, इन्दु बर्माले २० र कप्तान रुबिना क्षेत्कीले २७ रन बनाए । मलेसियाका लागि निक नूर अतियाले २, आइसा एलिसा र विनिफ्रेड दुराइसिंघमले १–१ विकेट लिए । मलेसियाका लागि विनिफ्रेड दुराइसिंघमले २० र माहिरा इजाती इस्माइलले ४४ रन बनाए पनि अरू कसैले दोहोरो अंकमा स्कोर गर्न सकेनन् । नेपालका लागि कविता कुँवर, सीता राना मगर र इन्दु बर्माले १–१ विकेट लिए ।
नेपालले चौथो र पाँचौं खेल भने शनिबार र आइतबार हुनेछ।
कोहलपुर खबर । १८ जेष्ठ २०८०, बिहीबार १३:२५