पुष्पराज हमाल
३१ जेष्ठ,कोहलपुर/ कोहलपुर नगरपालिका शिक्षा, युवा तथा खेलकुद शाखाले शैक्षिक सस्थाहरुमा गर्मी विदा थप गरेको छ ।
यस अघि कोहलपुर नगरपालीकाले अत्याधिक गर्मी बढेपछि जेठ २७ गते देखि ३१ गते सम्म शैक्षिक सस्थाहरुमा गर्मी विदा दिएको थियो । नगरपालीकाले जारी गरेको पत्र अनुसार दिनप्रति दिन तापक्रम बढ्दै दैनिक जीवन कष्टकर हुदै गएको अवस्थामा पठनपठान सञ्चालन गर्नमा देखिएको समस्यालाई मध्यनजर गरी विदा थप गरिएको हो ।
उक्त विदा असार ३ गते सम्म वर्षे विदा मिलान गरिने गरी ३ दिनको लागि गर्मी विदा थप गरिएको जनाएको छ । साथै असार ५ गते आइतबार देखि नियमित विद्यालय संचालन हुने र आवश्यकताका आधारमा प्रशासनिक कार्य तथा पुर्व निर्धारित परिक्षाहरु नियमित हुनुका साथै मौसम अनुकुलताका आधारमा विदामा पुनर्विचार हुनसक्ने नगरपालीकाका कार्यबाहक नगर प्रकुख बिरेन्द्र शाहद्धारा हस्ताक्षरीत पत्रमा उल्लेख गरीएको छ ।
कोहलपुर खबर । ३१ जेष्ठ २०७९, मंगलवार १५:४३